甜蜜物~ 第一回

好友新婚洞蜜月歸來.. 由日本及夏威夷帶o左好多唔同手信~~ 當然比我那些全部都係美用用品啦!! woohoo~~


呢隻係Kose Q10 Energity Mask (滋潤抗皺面膜) 哈哈﹗ 原來香港都有得買啦~~
成分有﹕添加輔酶Q10, 甘油, (仲好似有冬蟲夏草同透明質酸係for保濕架)
呢隻mask係for anti-aging 可以活膚, 減淡細紋同滋潤肌膚..
一盒4片大既買$84



令外一隻就係Aqualabel保濕加美白mask~ 買點係mask既貼面剪裁.. 用後感覺唔錯. 剪裁真係幾貼面, 敷完塊面白咗d同毛孔好似細咗少少.
香港應該屈臣士有得賣~~
一盒5片大既買$105
keekee.. Thank you Ms. Wong~~

呢一個就係玫瑰花味嘅海鹽. 因為好友知道我實在太喜歡浸bath... 反咗香港幾年屋企冇浴缸都唔知幾慘.. 少咗好多歡樂~~~ 但recently搬咗自己一個人住仲有浴缸tim呀~~超開心!!!

華麗后台 - Nine

星期六晚同男友去朗豪坊諗住睇戲同食飯.. 全埸唔算好滿.. 想睇嘅原因為卡士好大, 分別有Nicole Kidman, Kate Hudson, Marion Cotillard, Penelope Cruz...etc. 我自己本身很喜歡Kate Hudson, 佢大部份戲我都有睇. 最鍾意係 "How to lose a guy in 10 days" 同埋近期嘅"Bride Wars". 覺得佢唔算太靚但好有性格同味道.. 不過佢呢套戲既戲份唔算好多.. 係演一位Fashion Mazagaine既記者.. 見到Guido Contini就想係酒Bar到勾引但唔成功..

呢套戲其實有d似Musical多過戲... 雖然歌係幾好聽.. 由其係Kate唱個首"Cinema Italiano" 令外一開場個段好Grand好靚~~~

以前我一直都唔覺Nicole Kidman太靚..覺得佢好似好老甘.. 但睇完之後改哂觀囉!! 佢飾演一個當紅明星.. 感覺很年輕.. 而佢個裝都化得好好.. 個樣成個公仔o甘


Penelope Cruz好靚同身形超好... 成場氣佢有兩首歌, 一首係文靜d講關於佢老公.. 令外個首係超野性同邊唱邊除..身形一流, 做太太個陣個樣有好高貴~~

Penélope Cruz釋演一位情婦. 就算自己有老公但超愛男主角-Guido..

至於Guido呢個角色係一個好花心既導演.. 曾經拍過好多出名既電影但後期作品被批平謂垃圾級~~ 而呢6位女性都同男主角有關~~

故事並唔算太好..都係講一個花心男人過往經歷同最後點樣挽回段婚姻..
總結﹕太多悶場, 可以買DVD睇.. 早知睇George Clooney 既"Up in the Air"啦~~如果唔係有Kate Hudson的話真係未必會睇...

治療篇 - 可惡的暗粒

暗瘡真係好討厭亦令人好苦惱.. 亂處理又會留下難搞嘅毛孔.. 雖然我而家面上好似無事, 但係我細個時都有一段長時間比啲暗瘡困擾咗好耐... 浪費咗好多$$$同時間, 仲一星期做一次facial都唔得.. 整整一年都擺脫唔到.. 啲印仲幾個月都唔散.. 成曰都比男友笑說粒粒面..

用過好多products都無效(例如:Chanel, clinique, sheisdo, lancome...etc) 後來經過介紹認識咗Darphin 呢隻牌子.. 個BA話可以幫我清潔到底層的毒素.. 果然, 用咗兩個星期, 塊面啲暗瘡真係停止生長. 超神奇呀! 連男朋友都話好magic~

到後來出嚟做野之後間唔中都會生一粒兩粒(由其係生理期, 真係好討厭!!) 前個排因為工作壓力太大所以搞到下巴出哂好多細少嘅粒粒, 最慘又唔係暗瘡可以噤出嚟.. 係一堆細少又痕又痛.. 自從以前生過暗瘡, 面就變得好敏感.. 所以我就用喜療妥好似mask咁撻响暗粒上... 連公司都敷住(比同事勁笑但都無辦法因為真係好痕同好痛)
用上一排就開始無效.. 所以就去試下中醫.. 醫師話我男性荷爾蒙過高喎.. 哈哈, 都話我外表係女仔裡面係男係架啦~~ 飲過一次中藥真係頂唔順d味同埋好似泥咁就無再睇啦~~
唯有諗其他辯法, 首先由清潔開始! 我懷疑係落裝唔夠乾淨...所以就決定換過隻洗面膏.. 見到Kiehl's個陣出o左條新line係Rare Earth Amazonian White clay﹐係專為暗瘡皮膚.. 佢地仲有埋mask可以一個星期敷兩次(要厚敷) 加埋洗面膏感覺好乾淨.. Sales話加埋金盞花植物精華toner(都係for暗瘡皮膚同埋可以消炎) 兩個星期d暗粒真係無o左好多.. 金盞花toner用後好舒服又唔會太乾~~ mask呢我自己就一星期用2-3次, 敷完亦唔會太乾... 洗面膏好似泥o甘, 質地有d粒粒但唔似磨沙所以日日用都唔會傷到皮膚..

呢3寶係係唔小得.. 就算而家塊面好反都keep住用洗面同1-2次deep cleaning mask~
我絕對唔見意係皮膚有暗瘡既時後做磨沙或美白.. 因為會刺激到皮膚底層架~~







Keihl's Rare Earth Deep Pore Daily Cleanser: 150ml/$200
Kiehl's Rare Earth Deep Pore Cleansing Masque: 150ml/$200
Kiehl's Calendula Harbel-Extract Toner: 125ml/$200

Kiehl's 買滿$600仲可以join會員同領Travel Size Sample, 我自己就會要金盞花植物精華toner. 因為支toner用到成個月. 都幾底架~~

TGIF~~The Dublin Jack

Happy Friday 响中環上班族一直都係最開心一曰..哈哈, 梗係啦party嘅party.. 玩嘅玩.. 至於我最直得我高興就係唔使早起啦~~~~~~
於是中午就約了一班舊朋友去老蘭食lunch~~

其實星期二大家都嚟過, 知道唔駛等位又可以坐得舒舒服服.. 位於蘭桂芳97付近...
由於星期二我試咗佢哋嘅Roasted rib eye... 就係因為冇睇清楚以為係Grill 嘅, 咁同Roasted beef 有咩分別.. 我呢世人最討厭就係boiled chicken 同roasted beef !!!! 好似柴皮咁, 又無味喎...



所以今次老死都唔叫set lunch.. 見到有 pizza pepperoni 梗係想試試啦!
等待嗰15分鐘其間, 我係間餐廳都影咗幾張相.. 發覺bar枱個邊原來好光猛同好靚.. 因為兩次都係坐門口位所以見唔到囉.

每一次個老闆都幫忙招呼客人.. 老闆nice過d waitress囉... 啲waitress應完就算..



Pizza連我呢個平時唔鍾意食都覺得好味..個批好脆同pepperoni 夠多, 但係pizza份量唔係好大（$108）... 如果兩個女仔share再加小食先夠...
星期五呢曰當然要飲反柸紅酒relax下啦~~~
點的是grand reservea merlot from Chile~~ 都唔錯. 一柸大約60蚊. 比起那些唔好飲嘅.. 價錢算唔貴!

(哈哈~ 差唔多食完先記得影相...唔好介意~~)


(麵包可以再好食d, 因為唔夠熱>.<)

Happy Friday everyone~~~

The Dublin Jack
中環蘭桂坊17號1樓
Tel:2543 0081

姊妹~~

月頭做了我超好朋友嘅姊妹.. 雖然今次並非第一次, 但竟然係最感動一次..
呢排太多朋友結婚搞到覺得自己真係老咗好多, 又講啦又講啦! 朋友都話我痴線.

Anyway, 呢位新娘同我再加上令外兩位超好友係一齊响加拿大認識. 雖然識咗唔係好耐但感情超深, 就連回流反香港都希望約埋一齊.
可能我地4個都係有同一嗜好, 應該係全部一樣. 而且我地d性格都係無咩所謂, 所以特別啱key...

新娘子係我們當中係最綿羊(我地經常笑佢都唔嬲, 但而家唔得喇. 佢越來越惡!! 無法啦, 佢係天蠍座呀!!! 以前都唔似架但人哋話踏入某一個年紀星座本性就會現形
現啦. 所以我地而家都好少玩佢) 講笑姐, 唔好嬲呀~~~

婚禮係好高級嘅酒店Peninsula Hotel（好有氣派) 雖然唔可以放太多圍但環境簡直一流, Island Shangri-la 都好靚. 各有遷秋~~

點解會感動呢? 事原係新郎哥唔算係一個浪漫嘅人, 脾氣仲有點兒臭... 不過近年亦改變了好多, 所以見到佢地拉埋天窗我都開心嘅..
婚禮晚宴之前兄弟子妹就要采排, 入到去見到新郎哥响度彈琴練習喎... 我呢世人最buy就係識彈琴嘅男仔, 已經幾感動啦..
到咗真正個陣我地9個姊妹响新郎一邊唱就一人送一支玫瑰花比佢.. 新娘當然喊到豬頭啦, 但係令我都流淚嘅原因係新郎唱之前嗰段speech 話知道自己以前唔好..亦多謝女友一直容忍..就係咁我覺得我個friend終於挨到啦,一時感觸就喊啦. 仲嚇親新娘以為咩事(因為我平時我都幾硬郎又可以話男仔頭)

再一次恭喜所有新婚既好朋友~~ 祝您地個個白頭到老, 永結同心, 三年抱兩﹗﹗﹗﹗﹗﹗﹗﹗﹗



聽過你太多心事　但已經不再重要
眼見你快做新娘　做蜜友的真想撒嬌
我與你太好姊妹　為你竟哭了又笑
時裝都棄掉　穿一世婚紗算了

唯求好姊妹　抱我一抱
唯有我聽過你對我哭訴
蜜運後又離又合　苦心得好報
我都有聽你勸告　不要計數
他錯了要故意扮成糊塗　終於你守得到
怎麼我和我的他　忍不到

每當我愛到跌入漩渦
將錯就錯　關係亦出錯
我總太愛人　逼到愛人
變做朋友再變生疏
若我說我願意誰在乎過
你知道那答案快提示我
分半點福氣給我　不准留低我一個＊

我信我有這一日　伴侶肯專注待我
每晚也固定安樂　像俗語講開花結果
卻怕我愛得轟烈　沒信心可以渡過
情感可錯贈　婚紗照不敢拍錯

若我說我願意誰在乎過
你知道那答案快提示我
總有天親耳聽到　我愛侶對天宣佈
生與死都愛惜我　我要講
我願意誰在乎過　你知道那答案快提示我
總有天找到一個　真的值得我

給面部一些氧氣~ Bliss

皮膚都雖要氧氣﹖ 當然啦... 我細個o個陣做Facial已經有用機打氧份入面㗎啦~ 而家好多mask既功能都好先進..



Bliss呢支Triple Oxygen Instant Energizing Mask話說可以將d氧份打入面到~~ 話說喳.. 無實驗證明㗎~~ 質地好似精話素甘.. 粉紅色帶點令令地

潔面後, 留一點水係面上... 搽上面等5分鐘到就洗得啦~~

用後面並唔會有好大分別.. 所以有無需有就因人啦~ 但我就未必再買啦... 上試下其他products嘛~~

牛陣

前一排舊同學聚會, 提意去I-Square牛陣.. 因為係自助曰本式放題..
只需選擇食邊一款牛同湯底就可以啦..

同舊友去那一次因為遲到所以只好選擇最普通個款(因為有時間限制, 而我地又遲大到喎. 真係唔好意思)
至於湯就係甜醬油(但上次太趕所以無影相)

由於覺得幾好食所以就帶男友嚟試試... 因為佢好鬼麻煩(哈哈, 講下笑之麻>.<)

我今次醒目咁訂咗位先, 因為排隊起碼要等半粒鐘以上

坐低咗就決定要最貴個隻牛嚟食.. 至於配菜有好多種類例如:元貝,貢丸,魚蛋,豆腐,生菜,魚片,芽菜,...etc. 總之有好多款..
至於今次亦係甜醬油做湯.. 其實我想試豆乳, 但男友話甜豉油就下佢啦...


首先係豬肉片, 未食牛都覺得還可以.

食曰本火鍋梗係要Sake啦..haha 不過每一次都係我自己飲(男友不太喜歡酒類. 通常一柸起一柸止)

alt=""id="BLOGGER_PHOTO_ID_5441809092778882722" />
主角曰本A4和牛出埸啦... 啲牛肉切得好簿好靚. 而且入口即溶(雖然我唔係牛魔王但都覺得幾好)牛仲要都係任食呀~~雖然只係90分鐘, 但係加埋配菜真係超飽(仲成曰有個曰本大廚行來行去吹你食快D可以再拿第二碟. 佢個樣仲要好好笑呀. 仲有曰本waiter招待曰本人, 上次我就見到一大堆曰本人. 真係好似去了曰本咁~~

令外仲有唔同嘅醬汁比大家選擇....

最有surprise 係甜品竟然係Haagan-Dazs 雪糕, 有士多啤梨, 芝麻, 朱古力等等...

埋單連加一大約$1000多..都算ok啦!!!

牛陣: 尖沙咀iSquare7樓706號舖
電話:2311 1092

可以推介的保濕精華素~

最近天氣忽冷忽熱, 皮膚真係好難適應... 甚至付出現敏感正狀..
表妹介紹我試下aesop嘅產品. 呢個品牌係天然架, 所以敏感都可以用~~


首先我試他們的Oil Free Facial Hydrating Serum (中間個支大既) (成分: Aloe Vera, Ylang Ylang 同埋D-Panthenol)

我覺得同B5比呢隻較保濕同用完好舒服..晚上就好以加埋左邊個支Damascan Rose Treatment..
5毫子分量Serum加3滴Rose oil 溝埋就可以查上面啦~~

右邊個支係Parsley Seed Anti Oxidant Facial Treatment - 即係抗氧化同首護皮膚既底層~~
不過唔可以每日都用㗎.. 一星期只可以用兩次.. 所以可以隔住嚟用.. 三晚用Rose oil, 一晚用Prasley treatment.. 呢隻Treatment大約用5滴就可以按摩手法搽上面啦~~~
用o左個幾兩個月皮膚感覺面色好o左同埋前排天氣非常冷都無事呀~~ 大家可以買o黎試下

Oil Free Facial Hydrating Serum: 100ml/$610(大約, 真係唔係好記得)
Damascan Rose Facial Treatment: 25ml/$4xx (haha sorry~)
Parsley Seed Anti Oxidant Facial Treatment: 25ml/$5xx

個兩支oil可以用好耐因為每一次只需要用好少.. 至於支Serum都用到好耐, 因為兩個月只係用咗1／3到.. 比起B5我都係鍾意呢隻多啲...因為B5用完感覺有點乾~~

SKII 孖寶

隋著年紀越來越大(老?)唉!!! 好多時真係想唔認都唔得!!! 見到面上細紋就無, 但係毛孔明顯大咗同深咗囉!!!!
激死人!! 所以又敗家啦.....

入到去SKII本來諗住買支神仙水就走人.. 點知個BA姐姐幾靚女又nice就吸引住我啦(係呀,我最鍾意望靚女. 但亦最憎那些自已為靚女嘅平凡人) 佢啲皮膚雖然唔白淨但好細致. 個樣有點兒似楊詩琪... 又講無謂野.. 最後一句啦. 佢靚過琪姐!!!

正題: 佢就介紹咗Sign treatment 比我.. 話同神仙水一齊用會好好多.. (個陣仲係舊款) 就係咁我就乖乖買咗(因為個BA話呢兩款佢已經用了10年啦! 佢個樣仲要似細我3-4年但原來大過我. 咁無辯法唔比人昆啦!!!


先講支神仙水: 之前已經用過但用到一半就掉咗.. (浪費!!! 原因覺得完全無效!! 而且支水又出哂霧水所以唔要得)
但係原來我用法係錯架!!! 大家千奇唔好學我咁以為好醒一定識用!!
BA話係要搽上toner先再搽神仙水, 搽到cotton剩餘敷晌鼻到一陣. 第二曰, 面同鼻嘅油真係小咗喎!!!

致於，sign treatment就好似cream咁, 但係先搽精華素. 之後仲要搽多層cream先夠.

用咗兩星期, 皮膚真係滑咗同光澤咗.. 所以我已經用緊第2set啦.. 新嘅power cream多咗olive oil 可以滋潤
但我自己發覺用上咗冇咩特別.. 所以用完應該唔會再用

神仙水: 215ml/$1020
Power Creme: 50ml/$850 Old price
New Price: 50ml/$950

虎早諸事大吉

新一年新開始再加上新工作真的很累.. 雖然唔需要O.T.太多, 但係早起一直係我的病!!!
要8點反到公司對好多人嚟講唔算太早. 但係由於我係一名天秤女子就實再是困難.
基本上transportation 只需20分鐘. 但我就要6點起身！
事原我要冲涼洗澡吹頭化妝.. 搞搞下好多時都遲到. 朋友同我去旅行都話終於明白點解我可以搞咁耐..
無法啦,鬼叫我貪靚咩!!!!

講咗一輪廢話可以入正題未呢? Ok!

恭喜發財! 祝太家虎年行大運, 事事順竟, 有情人可以開花結果!!!

我係年初三果曰走咗去沙田車公廟諗住上反注香同求籤啦(心諗初三應該少啲人啦啩) 錯哂!! 果曰不知幾多人仲迫得好辛苦先點到啲香. 男朋友仲要好辛苦,流咗不了淚先成功. 見到都感動!

其他師奶完全唔哩人感受, 啲香向住人,最緊要唔好整到自己!! 搞錯呀! 香嚟架!毀溶係咪你哋負責先. 仲有好多小朋友係喥行, 整到佢哋隻眼又點呢??(又令我諗起雨天啲人擔姐,好似成個世界只係得佢哋,又或者佢哋覺得自己超高!!!）

Anyway, 求到兩支中上籤都幾可心. 話今年姻緣會好好. 雖然事業上會有小人但唔會影響到!!

Haha 希望靈啦!!

我係搵銀姑, $20蚊一支籤... 講男友性格上都幾準